काठमाडौं । अन्तर्राष्ट्रिय रेफ्री/टेक्निकल अफिसियल कोर्समा सहभागी हुन ३ सदस्यीय कबड्डी निर्णायक टोली आइतबार इरानको तेहरान प्रस्थान गरेको छ ।
फेब्रुअरी १२ देखि १६ तारिखसम्म हुने कोर्समा कञ्चन्पुरका रमेशचन्द्र ओझा ,सुनसरीका तरुण यादव र झापाकी रेश्माकुमारी राजवंशीले सहभागीता जनाउँदैछन् ।
उनीहरुलाई खुला छनोट विधिबाट उत्कृष्ट निर्णायक छनोट गरी कोर्समा सहभागी गराइएको अखिल नेपाल कबड्डी संघका महासचिव अरविन्दकुमार झाले बताएका छन् ।
टोलीलाई राष्ट्रिय खेलकुद परिषद्का सदस्य प्रकाशकुमार कुसारी, अखिल नेपाल कबड्डी संघकी अध्यक्ष तुल्सी थापालगायतले एक कार्यक्रमबीच बिदाइ गरेका हुन् ।
यो खबर पढेर तपाईलाई कस्तो महसुस भयो ?
प्रतिक्रिया