काठमाडौंमा महिलाको हत्या, एकजना पक्राउ

काठमाडौं । महिलाको हत्या आरोपमा एकजनालाई पक्राउ गरेको छ ।

दोलखा घर र सिन्धुली माइती भइ हाल काठमाडौंको भत्केको पुलमा बस्दै आएकी २८ वर्षीया प्रमिला दमाइको हत्या आरोपमा एकजनालाई आज पक्राउ गरिएको हो । यद्यपी पक्राउ गर्नेको नाम भने प्रहरीले खुलाएको छैन ।

माघ २६ गतेबाट हराइरहेकी प्रमिलाको शव शनिबार भेटिएको थियो । उनको शव सिरहा धनुषा गेष्टहाउसमा भेटिएको महानगरीय प्रहरी वृत्त गौशालाका डिएसपी केशव कुमार थेबेले लोकपथलाई जानकारी दिए ।

उनका अनुसार हत्या आशंकामा एक जनालाई आज काठमाडौंबाट पक्राउ गरिएको हो ।

‘हामीले हत्या आरोपमा एक जनालाई आज काठमाडौंबाट पक्राउ गरेका छौँ । बाँकी अनुसन्धान हुँदैछ ।’ उनले भने ।

श्रीमान र ५ वर्षीया छोरीसँग बस्दै आएकी प्रमिला २६ गतेबाट हराइरहेकी थिइन् ।