एजेन्सी । पाकिस्तानविरुद्धको टी-ट्वान्टी क्रिकेटमा इंग्ल्याण्ड विजयी भएको छ ।
आइतवार राति सम्पन्न भएको खेलमा इंग्ल्याण्डले पाकिस्तानलाई ७ विकेटले पराजित गरेको हो ।
१ सय ७४ रनको विजयी लक्ष्य लिएर मैदानमा ब्याटिङ गरेको इंग्ल्याण्डले ४ बल बाँकी रहँदा ३ विकेट गुमाएर निर्धारित लक्ष्य पुरा ग-र्यो । इंग्ल्याण्डका लागि कप्तान इयान मोर्गेनले सर्वाधिक ५७ रन जोडेका थिए । त्यस्तै, जोए रुटले ४७ रन तथा जेम्स भिन्सले ३६ रनको योगदान दिए ।
पाकिस्तानका इमाद वासिम, शाहीम शाह अफ्रिदी र हसन अलीले समान १-१ विकेट हात पारे ।
यसअघि टस हारेर पहिले ब्याटिङ गरेको पाकिस्तानले निर्धारित २० ओभरमा ६ विकेटको क्षतीमा १ सय ७३ रनको योगफल तयार पारेको थियो । पाकिस्तानका लागि बाबर आजमले ६५ रन तथा हरिस सोहिलले ५० रन जोडे ।
इङल्याण्डका जोफ्रा आर्चरले २ तथा तम करन र क्रिस जोर्डनले समान १-१ विकेट लिए । यो खेल विश्वकपको तयारी स्वरुप मैत्रिपुर्ण म्याच खेलिएको हो । विश्वकप क्रिकेट मे ३० देखि इंग्ल्याण्डमा शुरु हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया