अवैध लागुऔषधसहित ४ जना पक्राउ

धनकुटा । धनकुटाको साँगुरीगढी गाउँपालिका–६ भेडेटार चोकबाट अवैध लागुऔषधसहित ४ जना पक्राउ परेका छन् ।
करिब ५ सय ९४ किलो गाँजासहित ४ जनालाई प्रहरीले प्रकाउ गरेको हो ।

पक्राउ पर्नेहरूमा भारत अररिया वतना गाँउ–१ बस्ने ४४ वर्षीय नईम खान, भारत अररिया विहार बस्ने १८ वर्षीय किशोर, भारत अररिया कलियागञ्ज बस्ने ७० वर्षीय लखन महत्तो र मोरङ रंगेली नगरपालिका–७ बस्ने ७० वर्षीय गयानन्द मण्डल रहेका छन् ।

ईलाका प्रहरी कार्यालय भेडेटारबाट खटिएको प्रहरी टोलीले मुलघाटदेखि विराटनगरतर्फ जाँदै गरेको को.१ ख ७३२२ नम्बरको डिजेल–पेट्रोल बोक्ने ट्याङकरलाई जाँच गर्ने क्रममा ट्याङकरको बिचको डिब्बा (केलं) भित्र लुकाई छिपाई राखेको उक्त परिमाणको गाँजासहित ट्याङकरमा सवार उनीहरूलाई मंगलबार राति पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।