छुट्टाछुटै स्थानबाट अवैध लागुऔषधसहित दुईजना पक्राउ

काठमाडौं । विभिन्न स्थानबाट अवैध लागुऔषधसहित २ जना पक्राउ परेका छन् । बैतडीको सिगास गाउँपालिका–९ श्रीभाबरबाट करिब २ किलो चरेश जस्तो पदार्थसहित एक जना पक्राउ परेका हुन् । पक्राउ पर्नेमा बित्थडचिर गाउँपालिका–५ बस्ने ६४ वर्षीय धौले महर रहेका छन् ।

प्रदेश प्रहरी कार्यालय धनगढी र अस्थायी प्रहरी पोष्ट ढोल्यामोडबाट खटिएको प्रहरी टोलीले उनलाई उक्त पदार्थसहित मंगलबार पक्राउ गरेको हो ।

यसैगरी कैलालीको जानकी गाउँपालिका–५ अमौराबाट करिब ८ सय ८० मिलिग्राम खैरो हेरोइन जस्तो देखिने पदार्थसहित एक जना पक्राउ परेका छन् ।

पक्राउ पर्नेमा लम्कीचुहा नगरपालिका–२ कान्छिबजार बस्ने २१ वर्षीय नबिन सिलाल रहेका छन् । ईलाका प्रहरी कार्यालय टीकापुरबाट खटिएको प्रहरी टोलीले उनलाई उक्त पदार्थसहित मंगलबार दिउँसो पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।