शिवको दर्शनमा अभिनेत्री मौनी रोय

काठमाडौं । सानो पर्दाबाट बलिउड चलचित्र क्षेत्रमा प्रवेश गरेकी चर्चित अभिनेत्री मौनी रोय कुनै न कुनै कारणले हरेक दिन चर्चामा आइरहेकी हुन्छिन् । मौनी समाजिक सञ्जालमा पनि निकै सक्रिय रहन्छिन् र आफ्नो तस्बिर फ्यानसँग सेयर गरिरहेकी हुन्छिन् ।

अभिनेत्रीले हालै मात्रै सामजिक सञ्जालमा केहि तस्बिरहरु पोष्ट गरेकी छिन् । ति तस्बिरहरु सामजिक सञ्जालमा निकै भाइरल पनि भइरहेको छन् । जसमा उनी कोइम्बटुर स्थित आदियोगी शिवको दर्शन गरिरहेकी देखिएकी छिन् । त्यस तस्बिरमा मौनी रोय गुलाबी रंगको सूटमा निकै सुन्दर देखिएकी छिन् ।

तस्बिरमा उनी शिवलिंगको अगाडि हात जोडेर प्रार्थना गरिरहेकी छिन् । अर्को तस्बिरमा भने शिवको भक्तिमा लीन भएर ध्यान गरिरहेकी छिन् । एउटा तस्बिारमा उनी भगवान शिवलाई जल चढाइरहेकी छिन् । यि तस्बिरहरु पोष्ट गर्दै अभिनेत्रीले क्याप्सनमा,‘तिमी मेरो आदी हौ, तिमी नै अनन्त, शिव शिव ।’ लेख्दै उनले फेरि त्यस ठाउँको बारेमा, ‘मलाई आश्रम जान असाध्यै मन पर्छ । म हरेक पटक आउँछु नयाँ आनन्दको अनुभव गर्छु, मेरो सुरक्षित स्थान हो, यहाँ बस्दा हुने आनन्दको अनुभव म शब्दमा बयान गर्न सक्दिन’ उनले लेखेकी छिन् ।

मौनी रोयले नागिनको भूमिका निर्वाह गरेर दर्शकको मन जित्न सफल भएकी थिइन् । यस बाहेक उनले ‘देवो के देव महादेव’ मा पनि पार्वतीको भूमिका निर्वाह गरेकी थिइन् । मौनीको चलचित्रको कुरा गर्ने हो भने उनले चलचित्र ‘ब्रहमास्त्र’ मा अयान मुखर्जीको निर्वाह गरेकी थिइन् । जसमा आलिया भट्ट, रणवीर कपूर, अभिताभ बच्चन र नागार्जुन मुख्य भूमिकामा देखिएका थिए । यो भन्दा पहिले पनि उनी ‘गोल्ड’ र ‘मेड इन चाइना’ जस्ता चलचित्रमा देखिएकी थिइन् ।