काठमाडौं । विभिन्न विदेशी मुद्राहित त्रिभुवन अन्तर्राष्ट्रिय विमानस्थलबाट बिहीबार बिहान ५७ वर्षीय टर्किस नागरिक अब्दुल्ला मिना पक्राउ परेका छन् ।
एयर अरेबियाको उडानद्वारा सारजहाबाट काठमाडौं आएका उनलाई त्रिभुवन अन्तर्राष्ट्रिय विमानस्थलको आगमन टनेल गेटमा जाँच गर्ने क्रममा प्रहरीले पक्राउ गरेको हो ।
उनको साथबाट प्रहरीले नेपालमा प्रतिबन्धित ५ सय दरका १ सय ९२ थान गरी जम्मा ९६ हजार भारतीय रूपैयाँ, १ सय दरका २३ थान र ५० दरको १ थान गरी जम्मा २ हजार ३ सय ५० अमेरिकी डलर र १० लाख दरका ९ थान र ५ लाख दरका २६ थान गरी जम्मा २ करोड २० लाख इरानी रियाल बरामद गरेको छ ।
उनलाई आवश्यक अनुसन्धान एवम् कारबाहीको लागि बरामद विदेशी मुद्रासहित राजश्व अनुसन्धान विभाग हरिहर भवन पुल्चोक ललितपुर पठाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया