पुलिस र गण्डकी प्रदेश सेमिफाइनलमा प्रवेश

ताप्लेजुङ । डिफेन्डिङ च्याम्पियन नेपाल पुलिस क्लब र गण्डकी प्रदेश जारी पाथीभरा राष्ट्रिय पुरुष भलिबलको सेमिफाइनलमा प्रवेश गरेका छन् । 

ताप्लेजुङको मैवाखोला गाउँपालिकास्थित साँघुमा आज ‘मंगलवार’ भएको पहिलो क्वाटरफाइनलमा पुलिस क्लबले प्रदेश ३ लाई ३-१ को सेटमा पराजित गर्दै अन्तिम चारमा प्रवेश गरेको हो । पुलिसले प्रदेश ३ लाई २५-११, २४-२५, २५-१५ र २५-१४ को सेटमा पराजित ग-यो । खेलमा पुलिसका दिपक राज जोशी म्यान अफ दि म्याच चुनिए । 

त्यस्तै मंगलवार नै भएको दोस्रो क्वाटरफाइनल खेलमा गण्डकी प्रदेशले टियु विश्वबिद्यालय टिमलाई ३-० को सोझो सेटमा पराजित गर्दै सेमिफायनलमो यात्रा तय ग-र्यो । 

यो प्रतियोगिताको विजेताले  ३ लाख ५१ हजार ५ सय प्राप्त गर्ने छ । त्यस्तै उपविजेताले १ लाख ७६ हजार २ सय ५१ नगद प्राप्त गर्नेछन् ।