हालेप तेस्रो चरणमा प्रवेश, कोन्टा प्रतियोगिताबाट बाहिरिन

एजेन्सी । ब्रिटिस नम्बर एक जोहन्ना कोन्टा जारी म्याड्रिड ओपन टेनिसको दोस्रो चरणबाटै बाहिरिएकी छिन् ।

 मंगलवार राति सम्पन्न भएको महिला एकलतर्फको दोस्रो चरणको खेलमा कोन्टा रोमानियाकी सिमाना हालेपसँग २-० को सोझो सेटमा पराजित हुँदै प्रतियोगिताबाट बाहिरिएकी हुन् । यता जीतपछि विश्व नम्बर तीन हालेप भने तेस्रो चरणमा प्रवेश गरेकी छिन् ।

कोन्टा खेलको पहिलो सेटमा ७-५ र दोस्रो सेटमा ६-१ ले पराजित भएकी थिइन् । यि दुई खेलाडीबिचको खेल एक घण्टा ३० मिनेट चलेको थियो । हारपछि कोन्टाले शुरुवाती समयमा निक्कै राम्रो खेल खेलको प्रतिक्रिया दिइन् । 

अब हालेपले तेस्रो चरणको खेलमा स्लोभाकियाकी भिक्टोरिया कुज्मोभाको सामाना गर्नेछिन् । हालेपले सन् २०१६ र २०१७ मा यो प्रतियोगिताको उपाधि जितेकी थिइन् ।