काठमाडौं । छुट्टाछुट्टै स्थानमा आगलागी हुँदा विभिन्न धनमाल जलेर नष्ट भएको छ ।
उदयपुरको त्रियुगा नगरपालिका-११ संगमटोल बस्ने सीता घिमिरेको घरमा करेन्ट सर्ट भई सोमबार दिउँसो आगलागी हुँदा घर पूर्णरूपमा जलेर करिब ३० लाख रूपैयाँ बराबरको धनमाल जलेर नष्ट भएको छ ।
त्यसैगरी बाराको निजगढ नगरपालिका-खोल्मा टोल बस्ने ४७ वर्षीय गोम्बा बहादुर आले मगरको गोठमा सोमबार दिउँसो आगलागी हुँदा गोठ पूर्णरूपमा जलेर करिब ३ लाख रूपैयाँ बराबरको धनमाल नष्ट भएको छ ।
मकवानपुरको हेटौडा उपमहानगरपालिका-१८ दोबानचौर बस्ने ५७ वर्षीय भुबनेश्वर संजेलको गोठमा करेन्ट सर्ट भई सोमबार दिउँसो आगलागी हुँदा गोठ पूर्णरूपमा जलेर करिब १० लाख रूपैयाँ बराबरको धनमाल नष्ट भएको छ ।
दोलखाको तामाकोशी गाउँपालिका-७ पयौकोटी बस्ने ढाल बहादुर ढुङगेलको घरमा सोमबार बिहान आगलागी हुँदा घर पूर्णरूपमा जलेर करिब ३ लाख ७५ हजार रूपैयाँ बराबरको धनमाल नष्ट भएको छ ।
सर्लाहीको बागमती नगरपालिका-३ जिरायतस्थित सडकमा ना.६ त ५०८० नम्बरको ट्याक्टरमा उखुको पात लोड गरी ल्याउँदै गरेको अवस्थामा उक्त पातले बिजुलीको तारमा छोएर सोमबार दिउँसो आगलागी हुँदा ट्याक्टरको ट्रली पूर्णरूपमा जलेर करिब ३ लाख ६५ हजार बराबरको धनमाल नष्ट भएको हो ।
प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया