एन्जियोप्लास्टी गर्दा ओटीमा हाँसेको सम्झिँदै सुस्मिताले गरिन् अटोइम्यून रोगबारे खुलेर कुरा

काठमाडौं । बलिउड अभिनेत्री सुस्मिता सेन अहिले आफ्नो वेब सिरिज ‘आर्य ३’ को सफलतामा रमाइरहेकी छन् । सिरिजको सुटिङका ​​क्रममा अभिनेत्रीलाई हृदयघात भएको थियो । हालै उनले यस विषयमा खुलेर बोलेकी छन् । हृदयघात हुनुभन्दा ६ महिनाअघि मात्रै उनको मेडिकल रिपोर्ट पूर्णरुपमा सामान्य रहेको उनले बताइन् । यसका साथै उनले आफ्नो अटोइम्यून अवस्थाको बारेमा पनि विस्तृत रूपमा कुरा गरेकी छिन्।

सुस्मिता सेनले कुराकानीका क्रममा आफू अटोइम्यून रोगबाट पीडित भएको खुलासा गरेकी हुन् । उनले भनिन्, ‘मेरो अटोइम्यून अवस्थाबाट गुज्रिरहेको बेला मैले धेरै समस्याहरूको सामना गरें। यसमा सबैभन्दा ठूलो समस्या भनेको ब्रेन फोग हो । मलाई सोध्नुहोस्, तिम्रो नाम के हो ? अनि दुई सेकेन्ड पछि फेरी सोध्छु तिम्रो नाम के हो ? मलाई माफ गरिदेउ। एक सार्वजनिक व्यक्तित्वको रूपमा यो कुराले मलाई धेरै सताएको थियो। किनभने ममा अचानक सचेत रहने शक्ति थिएन।’

आफ्नो हृदयघातको बारेमा कुरा गर्दै सुस्मिताले आफ्ना आमाबुवा पनि मुटुका बिरामी भएकाले आफ्नो स्वास्थ्यप्रति सचेत रहेको बताइन् । हृदयघात हुनुभन्दा ६ महिनाअघिसम्म आफ्नो रिपोर्ट राम्रो रहेको उनले बताइन् । उनले एन्जियोप्लास्टी गर्दा अपरेसन थिएटरमा हाँसेको खुलासा गरिन् ।

अभिनेत्री सेनले भनिन्, ‘म जीवनलाई सेलिब्रेट गर्ने मान्छे हुँ । म सधैं खुसी छु। त्यसैले यसले मलाई वास्तवमै यस समस्यासँग लड्न मद्दत गर्‍यो किनभने म ओटी टेबलमा पनि हाँसेको थिएँ। मैले डाक्टरसँग ठट्टा गरेँ । मसँग धेरै राम्रो डाक्टर थिए। हामीले एन्जियोप्लास्टी भइरहेको हेरिरहेका थियौं र हामीले वास्तवमै राम्रो समय बितायौँ ।’

गत वर्ष सुस्मिताले ‘आर्य ३’ र ‘ताली’ मा अभिनय गरेर मानिसमा गहिरो प्रभाव छोडेकी थिइन् । दुवै पात्र एकअर्काभन्दा निकै फरक थिए । अभिनेत्रीले आफ्नो दमदार अभिनयका लागि धेरै ताली जितेकी थिइन् ।