काठमाडौं । इन्डियन आइडलबाट बाहिरिएपछि मेनुका पौडेलको पहिलो गीत ‘पल्लो गाउँकी सान्कान्छी’ सार्वजनिक भएको छ । उमेश राउतको शब्द र सङ्गीतमा रहेको उक्त गीतमा मेनुका पौडेल र सुदीप लामाको आवाज रहेको छ ।
मायाप्रेमको नै विषय भए पनि मेनुकाका यसअघिका गीतभन्दा फरक किसिमको डान्सिङ नम्बरको गीत सान्कान्छाको लिरिकल भर्सन सार्वजनिक भएको हो । केटाले जुग जाने पिरती लगाउन जोड गरे पनि मेनुकाले आफू सानै फुच्ची भएको भन्दै तर्किएको गीतमा सुन्न पाइन्छ ।
बुद्ध स्याङ्बोको सङ्गीत संयोजन रहेको गीत ए वान म्युजिसियन रेकर्डिङ स्टुडियोमा रेकर्ड गरिएको हो भने मिक्सिङ र मास्टरिङ किशोर थापाले गरेका हुन् । लिरिकल भिडियो दिपेश गिरीले बनाएका हुन् ।
यो खबर पढेर तपाईलाई कस्तो महसुस भयो ?
प्रतिक्रिया