अन्जु र प्रतापको स्वरमा रहेको ‘बादलभित्र’ को म्युजिक भिडियो सार्वजनिक (भिडियोसहित)

काठमाडौं । अञ्जु पन्त र प्रताप दासको स्वर रहेको ‘बादलभित्र…’ गीतको म्युजिक भिडियो सार्वजनिक भएको छ।

सोमबार सार्वजनिक भएको उक्त म्युजिक भिडियोमा गण्डकी प्रदेशका प्रमुख पर्यटकीय स्थलहरुलाई देखाइएको छ। बागलुङको ढोरपाटन, पोखराको फेवाताललगायत पर्यटकीय गन्तव्यमा छायांकन गरिएको म्युजिक भिडियोमा दिनेश विष्ट र हिर शाहीले अभिनय गरेका छन्। निर्देशन एवं गायन क्षेत्रमा पनि रहेका विष्ट पछिल्लो समय अभिनयमा व्यस्त छन्।

विष्णु भण्डारीको शब्द रहेको गीतमा अर्जुन पोखरलले संगीत भरेका छन् भने एरेन्ज कुशल सिंहले गरेका हुन्। विक्रम चौहानको निर्देशन रहेको म्युजिक भिडियोको छायाँकन प्रकाश खड्काले गरेका हुन्।

भिडियो सम्पादन र ग्राफिक डिजाइन लक्ष्मण चौहानको रहेको छ।