देशका विभिन्न स्थानमा चारजना मृत फेला

काठमाडौं । देशका विभिन्न स्थानमा चार जना मृत अवस्थामा फेला परेका छन् । काठमाडौँको तार्केश्वर नगरपालिका-६ धर्मस्थली तिमिल्सिना टोलस्थित बाटोमा काभ्रे घर भएका ४८ वर्षीय श्याम तामाङ शनिबार मृत अवस्थामा फेला परेका हुन् ।

यसैगरी धादिङको नेत्रावती गाउँपालिका-५ कटुन्जे बस्ने ७१ वर्षीय बाबुकाजी मानन्धर सोही ठाउँस्थित महाबिरचुली भिरमा शुक्रबार मृत अवस्थामा फेला परेका छन् । उता सङ्खुवासभाको खाँदबारी नगरपालिका-७ डेरा गरी बस्ने सिलिचोङ गाउँपालिका-२ घर भएकी २६ वर्षीया विना राई आफ्नै कोठामा शनिबार मृत अवस्थामा फेला परेकी छिन् ।

यस्तै रूपन्देहीको मायादेवी गाउँपालिका-५ गोनाह बस्ने ६५ वर्षीय धनराज हरिजन सोही गाउँपालिका-६ खजुरियास्थित गहुँबारीमा शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।