बास्केटबल लिगमा पुलिस क्लबको तेस्रो जित

काठमाडौं । विभागिय टिम नेपाल पुलिस क्लबले क्विन्स नेपाल बास्केटबल लिगमा तेस्रो जित निकालेको छ । 

आज ‘मंगलवार’ भएको तेस्रो खेलमा पुलिस क्लबले रोयल बास्केटबल क्लबलाई ६८ का विरुद्ध १ सय ९ स्कोले पराजित गरेको हो । पुलिस क्लबको जितमा सन्जु सोजिबले सर्वाधिक २१ स्कोर गरे ।  उक्त खेलमा उनी नै प्लेयर अफ दि म्याच समेत चुनिएका थिए ।

यो जितपछि पुलिस क्लबले ६ खेलबाट ९ अंक बनाएको छ । रोयल क्लबको भने ७ अंक मात्र छ । 

प्ले फर डिप्राइभ्ड चिल्ड्रेन नेपाल ‘पिडिसिएन’ले आयोजना गरेको यो प्रतियोगिताको विजेताले ३ लाख रुपैयाँ प्राप्त गर्नेछ । त्यस्तै दोस्रो हुने टिमले १ लाख प्राप्त गर्नेछ ।