जुवातास खेलिरहेको अवस्थामा सातजना पक्राउ

कास्की । जुवातास खेलिरहेको अवस्थामा सात जनालाई प्रहरीले पक्राउ गरेको छ ।

पोखरा महानगरपालिका-८ पृथ्वी चोकस्थित होटल प्यालेसमा जुवातास खेलिरहेको अवस्थामा सोही महानगरपालिका-१७ छोरेपाटन बस्ने स्याङजा पुतलीबजार नगरपालिका-८ घर भएका ५२ वर्षीय नारायण राना समेत ७ जनालाई मंगलबार बेलुकी प्रहरीले पक्राउ गरेको हो ।

जिल्ला प्रहरी कार्यालय कास्कीबाट खटिएको प्रहरीले उनीहरूलाई नगद ९८ हजार ६ सय २५ रूपैयाँ र ४ बुक ताससहित पक्राउ गरेको हो । यस सम्बन्धमा थप अनुसन्धान गरिरहेको प्रहरीले जनाएको छ ।