बुधबार १९ मङ्सिर, २०७५ Sunday, 26 May, 2019

मदन भण्डारी स्मृति फुटबल शुक्रवारदेखि शुरु हुने

काठमाडौं । अखिल नेपाल राष्ट्रिय स्वतन्त्र विद्यार्थी युनियन काठमाडौं विश्वविद्यालय केन्द्रीय क्याम्पस कमिटीको आयोजनामा भोलि ‘शुक्रवार’देखि १५ दिनसम्म मदन भण्डारी स्मृति फुटबल प्रतियोगिता हुने भएको छ ।

काठमाडौं विश्वविद्यालय धुलिखेलको खेल मैदानमा नकआउटका आधारमा हुन लागेको सो प्रतियोगितामा विभिन्न जिल्लाका गरी २४ वटा समूहले नाम दर्ता गरिसकेको आयोजक समितिका संयोजक प्रविण ज्ञवालीले बताए ।


ADVERTISEMENT

‘हामीले आह्वान गरेको हिजोसम्मको समयसीमाभित्रमा २४ वटा समूहले नाम दर्ता गरिसकेका छन्’, संयोजक ज्ञवालीले भने, ‘नाम दर्ताका लागि प्रति समूह १० हजार शुल्क निर्धारण गरिएको थियो ।’

प्रतियोगितामा विजयी समूहले नगद ५० हजार र उपविजेताले ३० हजार पाउने आयोजकले जनाएको छ । प्रतियोगिताका लागि १५ लाख २१ हजार खर्च लाग्ने अनुमान गरिएको ज्ञवालीले बताए । 

यसरी आयोजना गरिएको प्रतियोगिता दोस्रो पटकको हो । गत वर्षमा गरेको पहिलो प्रतियोगितामा १६ वटा समूहले भाग लिएका थिए ।

Leave a comment