फेडेरर, नाडाल र जोकोभिच क्वाटरफाइनलमा प्रवेश

एजेन्सी । स्विट्जरल्याण्डका रोजर फेडेरर जारी इटालियन ओपन टेनिस च्याम्पियनसिपको क्वाटरफाइनलमा प्रवेश गरेका छन् । 

बिहीवार राति सम्पन्न भएको पुरुष एकलतर्फको तेस्रो चरणको खेलमा फेडेररले बोर्ना कोरीचलाई पराजित गर्दै अन्तिम आठको स्थान तय गरेका हुन् । उनले कोरीचलाई २-६,६-४ र ७-६ को निक्कै प्रतिस्पर्धात्मक सेटमा पराजित गर्दै अघिल्लो चरणको यात्रा तय गरेका हुन् ।

अब फेडेररले ग्रिसका स्टेफानो सित्सिपासको सामना गर्नेछन् । त्यस्तै स्पेनी राफेल नाडाल र सर्बियाली नोभाक जोकोभिचले पनि आ-आफ्नो खेलमा जीत निकाल्दै क्वाटरफाइनलको यात्रा तय गरेका छन् । 

नाडालले जर्जियाका निकोलोजलाई ६-१ र ६-० को सेटमा तथा जोकोभिकले जर्मनीका फिलिप कोहल्हाइबेर ६-३ र ६-० को सेटमा पराजित गरे ।