काठमाडौं । साउथ सुपरस्टार पृथ्वीराज सुकुमारन आफ्नो आगामी फिल्म ‘आदुजीविथम–द गोट लाइफ’ को कारण चर्चामा छन् ।
शनिबार फिल्मको ट्रेलर सार्वजनिक भएपछि दर्शकमा फिल्मलाई लिएर उत्साह बढेको छ । पृथ्वीराज सुकुमारनको फिल्म ‘आदुजीविथम–द गोट लाइफ’ बेन्जामिनको उपन्यास ‘आदुजीविथम’ मा आधारित छ, जुन एक सत्य कथा हो। चलचित्रको ट्रेलरलाई लिएर दर्शकको ठुलो प्रतिक्रिया आएको छ । योसँगै सुपरस्टार प्रभासले पनि यो ट्रेलरको तारिफ गरेका छन् ।
प्रभास र सुकुमारनले फिल्म ‘सलार’मा सँगै काम गरेका छन् । शनिबार पृथ्वीराजको फिल्म ‘आदुजीविथम’ को ट्रेलर रिलिज भएपछि प्रभासले आफ्नो ‘सालार’ को सह–कलाकारको तारिफ गर्दै रिलिज हुनुअघि नै यसलाई ब्लकबस्टर घोषणा गरेका थिए। प्रभासले भने, ‘विश्वास लाग्दैन कि यो एउटै व्यक्ति हो ।’
प्रभासले आफ्नो इन्स्टाग्राम स्टोरीमा ‘सालार’ स्टारको तारिफ गरेका छन् र लेखेका छन्, ‘मेरो भाइ पृथ्वीराज म विश्वास गर्न सक्दिन कि यो त्यही व्यक्ति हो जसले वरदराज मन्नारको भूमिका निर्वाह गरेको थियो। बधाई छ, म यो फिल्मको प्रतिक्षामा छु। पक्कै ब्लकबस्टर आउँदैछ।’
प्रभास र पृथ्वीराज सुकुमारनले २०२३ को ब्लकबस्टर फिल्म ‘सलार’ मा महत्वपूर्ण भूमिका खेलेका थिए। यो फिल्मलाई दर्शकले निकै रुचाएका छन् । योसँगै यसले बक्स अफिसमा कमाईका सबै रेकर्ड तोडेको छ । फिल्ममा दुवै सुपरस्टारको जोडीलाई पनि दर्शकले निकै रुचाएका छन् ।
यो खबर पढेर तपाईलाई कस्तो महसुस भयो ?
प्रतिक्रिया