चार राउण्ड गोलीसहित २ जना पक्राउ

सर्लाही । सर्लाहीमा चार राउण्ड गोलीसहित २ जनालाई प्रहरीले पक्राउ गरेको छ । पक्राउ पर्नेमा मंलगवा नगरपालिका–१ भेडिया बस्ने २१ वर्षीय पोसन महरा राम र नगरपालिका–८ बस्ने २४ वर्षीय रंजित राम रहेका छन् ।

बाग्मती नगरपालिका–१० सोल्टी नहरबाट ८ एमएम लेखिएको ४ राउण्ड गोलीसहित शनिबार दिउँसो प्रहरीले उनीहरुलाई पक्राउ गरेको हो ।

अस्थायी प्रहरी पोष्ट सोल्टीबाट खटिएको प्रहरीले बीआर ३० डब्लु ५८८३ नम्बरको मोटरसाइकललाई जाँच गर्ने क्रममा चालक रामलाई उक्त परिमाणको गोलीसहित फेला पारी पक्राउ गरेको हो । साथै सोधपुछ तथा अनुसन्धानको लागि रंजित रामलाई नियन्त्रणमा लिइएको प्रहरीले जनाएको छ ।

यस सम्बन्धमा प्रहरीले थप अनुसन्धान गरिरहेको छ ।