पर्सा । पर्सामा अवैध लागुऔषध खैरो हेरोइनसहित २ जनालाई प्रहरीले पक्राउ गरेको छ ।
पक्राउ पर्नेमा वीरगंज महानगरपालिका–२० हरपतगंज टोल बस्ने १९ वर्षीय कार्तिक कुमार राय र सोही महानगरपालिका–१७ भुटनदेवी बस्ने २० वर्षीय युवराज राय रहेका छन् ।
प्रहरी चौकी ईनरुवा र लागुऔषध नियन्त्रण ब्यूरो शाखा कार्यालय वीरगंजबाट खटिएको संयुक्त टोलीले भारत रक्सौलबाट वीरगंज बजारतर्फ आउँदै गरेका उनीहरूलाई वीरगंज महानगरपालिका–१६ रजत जयन्ती चोकबाट करिब ३ सय ७० मिलिग्राम अवैधलागुऔषध (खैरो हेरोइन जस्तो देखिने पदार्थ)सहित शनिबार दिउँसो पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया