धनगढी । छिमेकीको कुटपिटबाट धनगढीमा एक युवकको मृत्यु भएको छ ।
मृत्यु हुनेमा धनगढी उपमहानगरपालिका-८ को धनगढीका ३५ वर्षीय महेश रानाको रहेका छन् । उनको सोमबार राति छिमेकीको कुटपिटबाट मृत्यु भएको प्रहरीले जनाएको छ ।
राति स्थानीय मिनबहादुर चौधरीको घरमा प्रवेश गरेका बेला रानामाथि कुटपिट भएको थियो । कुटपिटबाट गम्भीर घाइते भएपछि रानालाई स्थानीयले अस्पताल पुर्याएका थिए ।
उपचारका क्रममा रानाको सेती प्रादेशिक अस्पतालमा मृत्यु भएको प्रहरीले जनाएको छ ।
रानाको हत्या अभियोगमा स्थानीय मिनबहादुर चौधरीसहित पाँचजना पक्राउ परेका छन् ।
हाल घटनाका सम्बन्धमा प्रहरीले थप अनुसन्धान गरीरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया