एजेन्सी । इटालियन ओपन टेनिस च्याम्पियनसिपको उपाधिका लागि डिफेन्डिङ च्याम्पियन राफेल नाडाल र सर्बियली नोभाक जोकोभिच भिड्ने भएका छन् ।
शनिवार राति सम्पन्न भएको पुरुष एकलतर्फको सेमिफाइनल खेलमा नाडालले ग्रिसका स्टेफानोस सित्सिपासलाई २-० को सोझो सेटमा पराजित गर्दै अन्तिम दुईको स्थान तय गरेका हुन् । नाडालले सित्सिपासलाई खेलको पहिलो सेटमा ६-३ र दोस्रो सेटमा ६-४ ले पराजित गरेका थिए ।
त्यस्तै शनिवार राति नै भएको अर्को सेमिफाइनल खेलमा सर्बियाली नोभाक जोकोभिचले अर्जेन्टिनका डिएगो स्वार्टजम्यानलाई २-१ को निक्कै प्रतिस्पर्धात्मक सेटमा पराजित गर्दै फाइनलको यात्रा तय गरेका हुन् ।
उनले स्वार्टजम्यानलाई खेलको पहिलो सेटमा ६-३ र अन्तिम सेटमा ६-३ को सेटमा हराए । तर, खेलको दोस्रो सेटमा भने जोकोभिच स्वार्टजम्यानसँग ७-६ ले पराजित भएका थिए । फाइनल खेल आज ‘आइतवार’ राति हुँदैछ ।
यो खबर पढेर तपाईलाई कस्तो महसुस भयो ?
प्रतिक्रिया