नाडाललाई इटालियन ओपन टेनिसको उपाधि

एजेन्सी । स्पेनी राफेल नाडालले इटालियन ओपन टेनिस च्याम्पियनसिपको उपाधि जितेका छन् । 

आइतवार राति सम्पन्न भएको पुरुष एकलतर्फको फाइनल खेलमा नाडालले सर्बियाली नोभाक जोकोभिचलाई २-१ को निक्कै प्रतिस्पर्धात्मक सेटमा पराजित गर्दै उपाधि आफ्नो पोल्टामा पारेका हुन् ।

खेलको पहिलो सेट नाडालले ६-० ले जिते । तर, दोस्रो सेटमा पुनरागन गर्दै जोकोभिचले ६-० ले आफ्नो पक्षमा पारे । अन्तिम तथा निर्णायक सेटमा नाडालले ६-१ ले जितेपछि जोकोभिच उपाधि जित्नबाट वञ्चित बनेका थिए ।

नाडालले यो सिजनमा पहिलो उपाधि जितेका हुन् । यी दुई खेलाडीबीचको खेल दुई घण्टा २५ मिनेट चलेको थियो । नाडालले इटालियन ओपन टेनिसको नवौं पटक उपाधि जितेका हुन् ।