करिब ११ किलो गाँजासहित दुईजना पक्राउ

मकवानपुर । करिब ११ किलो गाँजासहित दुई जनालाई प्रहरीले पक्राउ गरेको छ । हेटौंडा उपमहानगरपालिका-१५ रातामाटेबाट अवैध लागुऔषध गाँजा करिब ११ किलोसहित २ जनालाई बिहीबार बिहान प्रहरीले पक्राउ गरेको हो ।

पक्राउ पर्नेहरूमा सर्लाही बलरा नगरपालिका-६ बस्ने २१ वर्षीय सुजित कुमार सहनी र २० वर्षीय सरोज कुमार सहनी रहेका छन् ।

प्रहरी चौकी रातामाटेबाट खटिएको प्रहरीले बा.४ ख ५९३७ नम्बरको बसलाई जाँच गर्ने क्रममा बसमा सवार उनीहरूलाई उक्त गाँजासहित पक्राउ गरेको हो । यस सम्बन्धमा आवश्यक अनुसन्धान गरिरहेको प्रहरीले जनाएको छ ।