लागुऔषधसहित एकजना पक्राउ

काठमाडौं । लागुऔषधसहित एक जनालाई प्रहरीले पक्राउ गरेको छ । जनकपूर बाट काठमाडौं आउँदै गरेको बा ४ ख ६६९४ नं. को हाईस गाडीलाई चेकजाँच गर्ने क्रममा प्रहरीले पक्राउ गरेको हो ।

इलाका प्रहरी कार्यालय भिमान सिन्धुलीबाट खटिएको प्रहरीले गाडीमा सवार धनुषा जिल्ला शहिदनगर -३ बस्ने २० वर्षीय सन्तोष कुमार यादवलाई पक्राउ गरेको हो ।

उनको साथबाट लुकाई छिपाई ल्याएको अवस्थामा लागु औषध नाइट्राभेट १० (NITRAVET-10) लेखिएको ४० पत्ता, प्रत्येक पत्तामा ३० वटा ट्याबलेटको दरले जम्मा १२०० ट्याबलेट प्रहरीले बरामद गरेको हो । यस सम्बन्धमा आवश्यक अनुसन्धान गरिरहेको प्रहरीले जनाएको छ ।