दैलेखमा मिनी ट्रक दुर्घटना, तीन जनाको मृत्यु

काठमाडौं । दैलेखमा मिनी ट्रक दुर्घटना हुँदा ३ जनाको मृत्यु भएको छ । 

शुक्रवार दिउँसो गुराँस गाउँपालिका १ रिगलपानीमा मिनी ट्रक दुर्घटना भएको हो । 

ट्रक सडकबाट करिब ३ सय मिटर तल खसेको जिल्ला प्रहरी कार्यालय, दैलेखले जनाएको छ । 

दुर्घटनास्थल नजिकै रहेको प्रहरी चौकीले ३ वटा शव जलेको अवस्थामा भेटिएको जिल्ला प्रहरी कार्यालयका एक अधिकारीले जानकारी दिएका छन् । 

ट्रकको नम्बर प्लेट समेत जलेको उनले बताए ।

घटनाबारे थप अनुसन्धान भइरहेको उनले बताए ।