तीन हजार रुपैयाँ पुग्यो बृद्धभत्ता

आगामी आर्थिक वर्षको लागि प्रस्तुत  गरीएको २०७६ / ७७ को बजेटमा बृद्धभत्ता बढाइएको छ ।  

संघीय संसदमा प्रस्तुत भइरहेको बजेटमा ७० वर्ष उमेर कटेका वृद्धवृद्धाले एक हजार भत्ता र एक हजार औषधोपचार खर्च गरी मासिक दुई हजार भत्ता पाउँदै आएकोमा अब उनीहरुको लागि तीन हजार रुपैयाँ विनियोजन गरिएको हो ।

सरकारले ६५ बर्ष उमेर पुगेका नागरिकलाई बृद्ध भत्ता (सामाजिक सुरक्षा भत्ता) दिदै आएको छ ।

कर्णालीका नागरिकले ५५ बर्षमै बृद्धभत्ता पाउदै आएका छन् ।

नेपालमा बृद्ध भत्ताको शुरुवात २०५१ सालबाट भएको हो ।

एमाले नेतृत्वको सरकारले ७० बर्ष उमेर पुगेका जेष्ठ नागरिकलाई मासिक १ सयका दरले बृद्ध भत्ताको उपलव्ध गराउन सुरु गरेको थियो ।