मैत्रीपूर्ण खेलका लागि नेपाली टोली मलेसिया जाँदै

काठमाडौं । दुई मैत्रीपूर्ण खेलका लागि नेपाली राष्ट्रिय पुरुष टोली आज ‘बिहीवार’ साँझ मलेसिया प्रस्थान गर्दैछ । 

नेपालले यहि आइतवार मलेसिया र आउँदो जेठ २३ गते चाइनिज ताइपेसँग मैत्रीपूर्ण खेल खेल्दैछ । जोहान कालिनले प्रशिक्षण सम्हालेयता नेपालको यो दोस्रो विदेश भ्रमण हो ।

यसअघि नेपालले कुँवेत दुई वटा मैत्रीपूर्ण खेल खेलेको थियो । पहिलो खेलमा गोलरहित बराबरीमा सकिएको थियो भने दोस्रो खेलमा नेपाल १-० गोल अन्तरले पराजित भएको थियो । यसपटक भरत खवास र विमल घर्ति मगर भने टिममा छैनन् ।

इन्डोनेशियन क्लबबाट व्यवसायिक खेल खेलिरहेका रोहित चन्द भने उतैबाट मैत्रीपूर्ण खेल खेल्न मलेसिया आउने अखिल नेपाल फुटबल संघ ‘एन्फा’ले जानकारी दिएको छ ।