सेरेना फ्रेन्च ओपन टेनिसबाट बाहिरिन

एजेन्सी । अमेरिकी सेरेना विलियम्स जारी फ्रेन्च ओपन टेनिस च्याम्पियनसिपको तेस्रो चरणबाटै बाहिरिएकी छिन् ।

शनिवार राति सम्पन्न भएको तेस्रो चरणको खेलमा सेरेना आफ्नै देशकी सोफिया केनिनसँग २-० को सोझो सेटमा पराजित हुँदै प्रतियोगिताबाट बाहिरिएकी हुन् । केनिनले सोफियालाई ६-२ र ७-५ को सोझो सेटमा पराजित गर्दै अघिल्लो चरणको यात्रा तय गर्न सफल भइन् ।

तीन पटककी च्याम्पियन सेरेनाले फ्रेन्च ओपन टेनिसमा पनि आफ्नो जाँदु भने देखाउन सकिनन् । जितपछि खुशी हुँदै केनिनले भनिन्, ‘सेरेनासँगको खेलको जीतले म निक्कै खुशी छु, मैले सेरेनाविरुद्धको हरेक स्कोरको लागि कडा प्रतिस्पर्धा गरे ।’

अब अघिल्लो चरण प्रवेशको लागि केनिनले आठौँ वरियताकी अष्ट्रेलियाकी यस्ले बार्टीविरुद्ध प्रतिस्पर्धा गर्नेछिन् । त्यस्तै विश्व नम्बर एक जापानकी नोआमी ओसाका पनि तेस्रो चरणबाटै बाहिरिएकी छिन् ।