१२ वर्षीया किशोरीको हत्या गरेको अभियोगमा एकजना पक्राउ

धनुषा । धनुषामा १२ वर्षीया किशोरीको हत्या गरेको अभियोगमा एकजना पक्राउ परेका छन् ।

धनुषाधाम नगरपालिका–९ क्वाटर बस्ने लालबाबु कापरकी छोरी १२ वर्षीया ललिता कुमारी कापरको कुटपिट गरी हत्या गरेको अभियोगमा एकजना पक्राउ परेका हुन् ।

पक्राउ पर्नेमा सोही ठाउँ बस्ने ६५ वर्षीय प्रेम बहादुर तामाङ रहेका छन् । इलाका प्रहरी कार्यालय यज्ञभूमिबाट खटिएको प्रहरी टोलीले प्रेम बहादुरलाई शुक्रबार बिहान प्रहरीले पक्राउ गरेको हो ।

ललिताले आफ्नै फुपुको बारीमा फोहोरको थुप्रोमा आगो बालेको विषयमा प्रेम बहादुरले बैशाख २७ गते कुटपिट गर्दा गम्भीर घाइते भएकी ललिताको प्रादेशिक अस्पताल जनकपुरमा उपचारको क्रममा मृत्यु भएको प्रहरीले जनाएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।