प्रतिनिधि सभाको बैठक आइतबार सम्मको लागी स्थगित

काठमाडौं । प्रतिनिधि सभाको बैठक आइतबार सम्मको लागी स्थगित भएको छ ।

आज बिहान ११ बजेका लागि बोलाइएको बैठक दलहरुकाबीच सहमती हुन नसक्दा कांग्रेसले समय मागेपछि दिउँसो २ बजेका लागि बोलाइएको थियो । २ बजे पनि बैठक बस्न नसकेपछि संसद् सचिवालयले आजको बैठक स्थगित गरेको हो ।

गृहमन्त्री माथि संसदीय छानबिन माग गर्दै संसद् अवरुद्ध गर्दै आइरहेको दल नेपाली कांग्रेस र सत्ता पक्ष दलहरूबिच सहमति नजुट्दा आजको बैठक पनि प्रभावित भएको हो ।

बिहीबार पनि बैठक शुरु हुनासाथ प्रतिपक्षी नेपाली कांग्रेसले प्रतिनिधि सभामा अवरोध गरेपछि बैठक स्थगित भएको थियो ।