ताप्लेजुङ । अवैध लागुऔषध ब्राउनसुगरसहित दुईजना पक्राउ परेका छन् ।
फुङलिङ नगरपालिका–४ कोप्चे लाईनबाट अवैध लागुऔषध ब्राउनसुगर जस्तो देखिने पदार्थ १ सय ६० मिलिग्राम र नगद ३७ हजार ५ सय रूपैयाँसहित दुईजना पक्राउ परेका हुन् ।
पक्राउ पर्नेमा सोही नगरपालिका–७ बस्ने ४८ वर्षीय प्रेम कुमार गुरुङ रहेका छन् । जिल्ला प्रहरी कार्यालय ताप्लेजुङबाट खटिएको प्रहरी टोलीले गुरुङलाई उक्त पदार्थ र नगदसहित बिहीबार दिउँसो पक्राउ गरेको हो ।
साथै थप अनुसन्धानको क्रममा गुरूङले उक्त लागुऔषध सोही नगरपालिका–१ बस्ने ३७ वर्षीय चन्द्र बहादुर लिम्बुसँग खरिद गरेको खुल्न आएपश्चात प्रहरीले लिम्बुलाई समेत पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया