सप्तरी । सप्तरीमा पेस्तोलसहित दुई जना पक्राउ परेका छन् । शुक्रबार राति जिल्लाको खडक नगरपालिका–८ भदियाबाट पेस्तोल १ थान, सोही पेस्तोलमा लाग्ने गोली २ राउन्ड र म्यागजिन २ थानसहित २ जनालाई प्रहरीले पक्राउ गरेको हो ।
पक्राउ पर्नेहरूमा सुरूङगा नगरपालिका– ६ श्रीपुर बस्ने ४५ वर्षीय विशेश्वर प्रसाद साह र काठमाडौँ टोखा नगरपालिका–८ बस्ने ४२ वर्षीय बमबहादुर तामाङ रहेका छन् ।
इलाका प्रहरी कार्यालय कल्याणपुरबाट खटिएको प्रहरीले बोदेबर्साइनबाट बिसनपुरतर्फ जाँदै गरेको स.६ प. ५९०८ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरूलाई हतियारसहित फेला पारेर पक्राउ गरेको हो ।
यो खबर पढेर तपाईलाई कस्तो महसुस भयो ?
प्रतिक्रिया