सुन जस्तो देखिने पहेँलो धातुसहित महिला पक्राउ

काठमाडौं । सुन जस्तो देखिने पहेँलो धातुसहित एकजना महिला पक्राउ परेकी छन् ।

भन्सार छली अवैध रूपमा संकलन गरी लैजान लागेको करिब ७० ग्राम तौलको सुन जस्तो देखिने पहेंलो धातुको बेरूवा औंठी ३ थानसहित महिला पक्राउ परेका हुन् ।

पक्राउ पर्नेमा चन्द्रागिरी नगरपालिका–१३ घर भएकी ४० वर्षीया मैया बुढाथोकी रहेकी छन् । विमानस्थलबाट उनलाई प्रहरीले शनिबार दिउँसो पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।