आगलागीमा परेर एक जनाको मृत्यु

रूपन्देही । आगलागीमा जलेर एक जनाको मृत्यु भएको छ । देवदह नगरपालिका-१० चरङ्गे सिद्धार्थटोल बस्ने मिन बहादुर दमाईको घरमा शनिबार राति आगलागी हुँदा उक्त आगलागीमा जलेर मिन बहादुरको घटनास्थलमै मृत्यु भएको हो ।

साथै आगलागीमा जलेर गम्भीर घाइते भएकी मिन बहादुरकी श्रीमतीलाई उपचारको लागि लुम्बिनी प्रादेशिक अस्पताल बुटवल पठाइएको छ । आगलागीबाट अन्नपात, लत्ताकपडा, भाँडावर्तन पूर्णरूपमा जलेर करिब ४ लाख रूपैयाँ बराबरको धनमाल नष्ट भएको छ ।

हावाहुरीको कारणले रूख ढलेर घरभित्र रहेको ग्याँस पड्किएर आगलागी भएको बताइएको छ ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।