कुटपिट गरी हत्या गरेको अभियोगमा तीनजना पक्राउ

काठमाडौं । सुनसरीमा कुटपिट गरी हत्या गरेको अभियोगमा तीनजना पक्राउ परेका छन् ।

धरान उपमहानगरपालिका–१९ भिक्टोरिया चोक बस्ने १८ वर्षीय ताङ्छुहाङ लिम्बुलाई आइतबार राति कुटपिट गरी हत्या गरेको अभियोगमा तीनजना पक्राउ परेका हुन् ।

पक्राउ पर्नेमा सोही उपमहानगरपालिका–१९ बस्ने २० वर्षीय सुजन भन्ने गोपाल लामगादेसहित ३ जना रहेका छन् ।
उनीहरूलाई इलाका प्रहरी कार्यालय धरानबाट खटिएको प्रहरी टोलीले बुधबार साँझ पक्राउ गरेको हो ।

कुटपिटबाट गम्भीर घाइते भएका ताङ्छुहाङको घोपा अस्पताल हुँदै न्यूरो अस्पताल विराटनगरमा थप उपचारको क्रममा बुधवार मृत्यु भएको हो ।

यस सम्बन्धमा प्रहरीले आवश्यक अनुसन्धान गरिरहेको छ ।