झापामा कोठाभित्र आमा र दुई छोरा मृत फेला

झापा । झापाको शिवसताक्षी नगरपालिका–३ स्थित एक घरमा आज शुक्रबार बिहान आमा र दुई जना बच्चा मृत फेला परेका छन् ।

जिल्ला प्रहरी कार्यालय झापाका प्रमुख एसपी मिलन केसीका अनुसार, आमा अन्जली बेस्रा, उनका ७ वर्षीय जेठा छोरा विशाल र कान्छा छोरा २ वर्षीय आयुष मृत फेला परेका हुन् ।

आमा अञ्जलीलाई झुन्डिएको अवस्थामा र छोराहरु विशाल र आयुष बेडमा मृत भेटिएको एसपी केसीले बताए । ‘हामी अनुसन्धान गरिरहेका छौं, अहिले नै केही भन्न सकिने अवस्था छैन,’ एसपी केसीले भने । घटनास्थल पुगेका एक प्रहरीले घटनास्थलमा बमिट समेत गरिएको देखिएको र विषादीको गन्ध आइरहेको बताए ।