६ किलो सुन र ४८ लाख रुपैयाँसहित कपनबाट चिनियाँ नागरिक पक्राउ

काठमाडौं । नेपाल प्रहरीको केन्द्रीय अनुसन्धान ब्यूरो (सीआईबी)ले झण्डै ६ किलो सुन र ४८ लाख रुपैयाँसहित एक चिनियाँ नागरिकलाई पक्राउ गरेको छ ।

काठमाडौंको कपनबाट आइतबार राति सीआईबीले सो परिमाणको सुन र नगदसहित ती चिनियाँ नागरिकलाई पक्राउ गरेको हो । प्रहरीले ती चिनियाँ नागरिकको विस्तृत विवरण दिइसकेको छैन ।

पक्राउ परेका ती चिनियाँ नागरिक यसअघि पनि सुन तस्करीमा संलग्न रहेर प्रहरीको खोजी सूचीमै रहेको व्यक्ति भएको बताइएको छ ।

यस्तै, सुन तस्करीमा संलग्न भएको आरोपमा भारतको दिल्लीमा पनि दुई जना पक्राउ परेका छन् । पक्राउ परेकाहरुलाई नेपाल ल्याउने तयारी भइरहेको सीआईबी स्रोतको भनाइ छ ।