लागुऔषधसहित ४ जना पक्राउ

काठमाडौं । सिराहा र कास्कीबाट अवैध लागुऔषधसहित चारजना पक्राउ परेका छन् ।

सिराहाको मिर्चैया नगरपालिका–२ मलहिनिया पिडारीबाट अवैध लागुऔषध ब्राउनसुगर जस्तो देखिने पदार्थ २ ग्रामसहित दुईजना पक्राउ परेका छन् । पक्राउ पर्नेमा सोही ठाउँ बस्ने ३१ वर्षीय नरेश कुमार साफी समेत २ जना रहेका छन् । इलाका प्रहरी कार्यालय मिर्चैयाबाट खटिएको प्रहरी टोलीले उनीहरूलाई मंगलबार दिउँसो पक्राउ गरेको हो ।

यसैगरी कास्कीको पोखरा महानगरपालिका–६ लेकसाईड चकटे रेष्टुरेण्टबाट अवैध लागुऔषध गाँजा करिब १ किलोसहित दुईजना पक्राउ परेका छन् । पक्राउ पर्नेमा सोही महानगरपालिका–१७ बिरौटा बस्ने २० वर्षीय सजोक क्षेत्री समेत २ जना रहेका छन् । वडा प्रहरी कार्यालय बैदामबाट खटिएको प्रहरी टोलीले उनीहरूलाई गएराति पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।