जुवातास खेलिरहेको अवस्थामा ८ जना पक्राउ

काठमाडौं । पर्सामा जुवातास खेलिरहेको अवस्थामा ८ जना पक्राउ परेका छन् ।

वीरगंज महानगरपालिका–१० स्थित ब्ल्याक हावर क्याफेमा जुवातास खेलिरहेको अवस्थामा ८ जना पक्राउ परेका हुन् । पक्राउ पर्नेमा क्याफे संचालक सोही महानगरपालिका–१० बस्ने २४ वर्षीय रोसन मेहतासहित ८ जना रहेका छन् ।

अस्थायी प्रहरी पोष्ट शिव पार्वती र वडा प्रहरी कार्यालय श्रीपुरबाट खटिएको संयुक्त टोलीले उनीहरूलाई नगद ३१ हजार ६ सय ५५ रूपैयाँ र २ बुक ताससहित बुधबार दिउँसो पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।