भरूवा बन्दुक पड्किँदा एक जनाको मृत्यु

काठमाडौं । दार्चुलामा भरूवा बन्दुक पड्किँदा एक जनाको मृत्यु भएको छ । नौगाड गाउँपालिका–१ लक्सेरी बस्ने ५५ वर्षीय धङ्के डडालको भरूवा बन्दुक पड्किँदा शनिबार दिउँसो मृत्यु भएको हो।

सोही ठाउँ बस्ने ५३ वर्षीय जय सिंह डडालले सोही ठाउँस्थित मल्लासेली जङ्गलमा सिकार खेल्ने क्रममा पड्काएको एक नाले भरूवा बन्दुकको गोली लागेर धङ्केको घट्नास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय दार्चुला समेतबाट खटिएको प्रहरी टोलीले जय सिंहलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।