लागुऔषधसहित ३ जना पक्राउ

काठमाडौं । मोरङ र रूपन्देहीबाटअवैध लागुऔषधसहित तीनजना पक्राउ परेका छन् । मोरङको बेलबारी नगरपालिका–१० भाउन्नेबाट अवैध लागुऔषध ब्राउनसुगर जस्तो देखिने पदार्थ ८ सय ५० मिलिग्रामसहित एकजना पक्राउ परेका हुन् । झापा दमक नगरपालिका–८ बस्ने २४ वर्षीय भोला मण्डललाई शनिबार साँझ प्रहरीले पक्राउ गरेको हो । प्रहरी चौकी डाँगिहाटबाट खटिएको प्रहरी टोलीले उनलाई पक्राउ गरेको हो ।

यसैगरी रूपन्देहीको गैडहवा गाउँपालिका–८ कोत्रहवास्थित सडकबाट अवैध लागुऔषध ब्राउनसुगर जस्तो देखिने पदार्थ २ ग्राम ८ सय ७० मिलिग्राम, मोबाइल २ थान र नगद ७७ हजार ९ सय रूपैयाँसहित २ जनालाई शनिबार साँझ प्रहरीले पक्राउ गरेको हो। पक्राउ पर्नेहरूमा सोही गाउँपालिका–४ मिमिहवा बस्ने २१ वर्षीय रबिन्द्र लोध र २३ वर्षीय लालमोहन लोध रहेका छन् । इलाका प्रहरी कार्यालय सूर्यपुराबाट खटिएको प्रहरीले लु.२१ प ३२५३ नम्बरको मोटरसाइकललाई जाँच गर्ने क्रममा मोटरसाइकलमा सवार उनीहरुलाई उक्त पदार्थसहित पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।