सवारी दुर्घटनामा २ जनाको मृत्यु

काठमाडौं । संखुवासभा र कैलालीमा सवारी दुर्घटना हुँदा २ जनाको मृत्यु भएको छ । संखुवासभाको चैनपुर नगरपालिका–८ बानेश्वरस्थित सडकमा प्रदेश १–०२–००१ ख ८२४९ नम्बरको टिपरले को.१५ प ९८३१ नम्बरको मोटरसाइकललाई शनिबार साँझ ठक्कर दिँदा मोटरसाइकल चालकको मृत्यु भएको छ । मृत्यु हुनेमाचैनपुर नगरपालिका–७ बस्ने ५० वर्षीय पदम श्रेष्ठ रहेका छन् । ठक्करबाट गम्भीर घाइते भएका उनको प्राथमिक स्वास्थ्य केन्द्र चैनपुरमा उपचारको क्रममा मृत्यु भएको हो । टिपर चालकलाई प्रहरीले नियन्त्रणमा लिएको छ ।

यसैगरी कैलालीको लम्कीचुहा नगरपालिका–३ ढुंगेबजारस्थित सडकमा भे.१ त ८७३५ नम्बरको ट्याक्टर अनियन्त्रित भई शनिबार राति दुर्घटना हुँदा चालकको मृत्यु भएको छ । मृत्यु हुनेमा सुर्खेत पञ्चपुरी नगरपालिका–२ बस्ने २१ वर्षीय शेर बहादुर नेपाली रहेका छन्। दुर्घटनामा गम्भीर घाइते भएका उनको लम्कीचुहा अस्पताल भल्का हुँदै टिकापुर अस्पतालमा थप उपचारको क्रममा मृत्यु भएको हो । साथै दुर्घटनामा घाइते भएका सहचालकको लम्कीचुहा अस्पताल भल्कामा उपचार भइरहेको छ ।

दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।