बसको ठक्करबाट वृद्धाको मृत्यु

स्याङजामा बसको ठक्करबाट वृद्धाको मृत्यु भएको छ । वालिङ नगरपालिका–८ मिर्दी स्थित सिदार्थ राजमार्गमा बुटवलबाट पोखरा तर्फ जाँदै गरेको ग. १ ख. ६२३७ नं. को बसमा सवार एक वृद्धाको मृत्यु भएको छ ।

बिरुवा गाउँपालिका वडा नम्बर ६ चिन्नेबास बस्ने अन्दाजी ८१ वर्षीय दुर्गा बहादुर थापा बसबाट झरि बाटो काट्ने क्रममा सोही बसले ठक्कर दिँदा शनिबार दिउँसो मृत्यु भएको हो । दुर्घटनाबाट गम्भीर घाइते भएका उनको उपचारको लागि प्राथमिक स्वास्थ्य केन्द्र वालिङ स्याङजा लगेकोमा उपचारको क्रममा डाक्टरले मृत घोषणा गरेको प्रहरीले जनाएको छ । मृतकको शव सोही अस्पतालमा रहेको, बस र बस चालकलाई प्रहरीले नियन्त्रणमा लिएको छ ।

घटना बारेमा थप अनुसन्धान कार्य भईरहेको प्रहरीले जनाएको छ ।