नक्कली सुनको मूर्ति देखाई ठगी गर्ने ५ जना पक्राउ

काठमाडौं । नक्कली सुनको मूर्ति देखाई ठगी गने ५ जनालाई प्रहरीले पक्राउ गरेको छ ।

पक्राउ पर्नेहरुमा भारत घर भई हाल काठमाडौं कमलपोखरी बस्ने ४० वर्षीय कलाकार दास, म्याग्दी रघुगंगा गाउँपाकिा ७ घर भई हाल ललिपुर धोबीघाट बस्ने ६४ वर्षीय क्षेर बहादुर शाही, धादिङ निलकण्ठ नगरपलिका–२ घर भई हाल काठमाडौं डल्लुबस्ने ३८ वर्षीय दिपक थापा , दाङ घर भई हाल काठमाडौं लाजिम्पाट बस्ने ३५ वर्षीय बसन्त चौधरी र काठमाडौं महानगरपालिका–१२ घर भएका ५५ वर्षीय रविन मर्हजन रहेका छन् ।

कलाकार दासले कागेश्वरी मनोहरा नगरपाकिा–७ खहरेमा सोफा पसल गरी बस्ने दिनेश न्यौपानेलाई नक्कली सुनको मुर्ति देखाई ३ लाख ठगी गरेको भन्ने गोप्य सूचनाको आधारमा तत्काल जिल्ला प्रहरी परिसर काठमाडौं र प्रहरी प्रभाग काडाँघारीको संयुक्त प्रहरी टोलीले पक्राउ गरेको हो ।

प्रहरीले पक्राउ परेकाहरुको साथबाट नक्कली सुनको बुद्धको मूर्ति एक थान र १४ लाख रुपैयाँ बरामद गरेको हो ।

यस सम्बन्धमा प्रहरी वृत्त बानेश्वरले थप अनुसन्धान गरिरहेको प्रहरीले जनाएको छ ।