खुकुरी प्रहार गरिएका युवककाे मृत्यु

बाँके । नेपालगञ्जमा खुकुरी प्रहारबाट एक जनाको मृत्यु भएको छ । प्रहरीका अनुसार नेपालगञ्ज उपमहानगरपालिका-११ बस्ने अन्दाजी ३५ वर्षीय इरसाद अलि कबडियाको टाँगा स्टेन्ड नजिकै खुकुरी प्रहारबाट मृत्यु भएको हो ।

शुक्रवार राती अन्दाजी १० बजेतिर अज्ञात व्यक्तिले खुकुरी प्रहार गर्दा गम्भीर घाइते कबडियाको भेरी अस्पताल नेपालगञ्जमा उपचारको क्रममा मृत्यु भएको बताइएको छ । खुकुरी प्रहार गर्ने अज्ञात व्यक्ति फरार रहेकाले खोजीकार्य भइरहेको प्रहरीले जनाएको छ ।

कबडिया माथि कसले खुकुरि प्रहार गर्यो भन्ने बारे अनुसन्धान भैइरहेको र घटनाबारे थप विवरण आउन बाकी रहेको बाँके प्रहरीले जनाएको छ। यो समेत बाँकेमा तीन दिनमा तीन घटना घटेका छन ।