काठमाडौं । अधिवक्ता नानी थापा भन्ने लक्ष्मी थापाविरुद्ध अख्तियारमा उजुरी दर्ता भएको छ ।
सिन्धुपाल्चोकको सुनकोसी गाउँपालिका–६ घर भएकी नानी थापाले दोहोरो सुविधा लिएको आरोपमा अख्तियार दुरुपयोग अनुसन्धान आयोगमा साउन १ गते उजुरी दर्ता भएको हो ।
काठमाडौं जिल्ला अदालतमा २६ वटा मुद्दामा प्रतिवेदन दिएर उनले रकम लिएको जिकिर गर्दै उजुरकर्ताले दोहोरो सुविधा लिएको घटनामा छानबिन र अनुसन्धान गर्न माग गरेका छन् ।
प्रमाणपत्र नम्बर–१६८५१ बाहक थापा सिन्धुपाल्चोक जिल्ला अदालतको वैतनिक वकिल हुन् । रा.प तृतीय शाखा अधिकृत सरहको तलब सुविधा लिने गरी उनी त्यहाँ २०७९ चैत २५ मा नियुक्त भएकी थिइन् । काठमाडौं जिल्ला अदालतमा पनि उनले बाल मनोविज्ञ नियुक्त भएर काम गरेको र तलब, भत्ता बुझेको भेटिएको छ ।
अधिवक्ता थापा तिनै व्यक्ति हुन्, जसले काठमाडौं जिल्ला अदालतमा ड्युटीमा रहेका प्रहरी जवानमाथि हातपात गरेकी थिइन् ।
यो पनि …
‘सिपाही भएर बढ्ता बोल्ने’ भन्दै ड्युटीमा खटिएका प्रहरीमाथि वकिलको चड्कन, जाहेरी दर्ताको तयारी
अदालतमै वकिलबाट प्रहरी कुटिएको घटनामा कर्मचारीले भने ‘वकिलबाट अदालतकै मर्यादामा प्रहार’
![](https://www.lokpath.com/wp-content/uploads/2024/07/Nani-Laxmi-Thapa-Akhtiyar-Ujuri-580x768.jpg)
यो खबर पढेर तपाईलाई कस्तो महसुस भयो ?
प्रतिक्रिया