जानीराखौं पालुंगो खानुका फाइदाहरु

काठमाडौं । हामीले तरकारीका रुपमा खाने पालुंगोमा भिटामिन ए, भिटामिन सी, भिटामिन के, आइरन, फोलेट र पोटासियम जस्ता धेरै पोषक तत्वहरू पाइन्छ । पालुंगो फलामको उत्कृष्ट स्रोत हो, जसले मानव शरीरलाई हेमोग्लोबिन उत्पादन गर्न मद्दत गर्छ ।

पालुंगोको फाइदा : जब हरियो तरकारीमा पौष्टिक तत्वको कुरा आउँछ, त्यसको पहिलो नाम नै पालुंगो हो । यो तरकारी धेरै पोषक तत्वहरूले भरिपूर्ण छ । पालुंगोमा भिटामिन र मिनरल्स प्रचुर मात्रामा पाइन्छ, जसले हामीलाई धेरै फाइदा दिन्छ ।

रक्तचाप नियन्त्रण : पालुंगोमा पोटासियमसहित मानव शरीरलाई आवश्यक पर्ने धेरै खनिजहरू हुन्छन् । पोटासियमयुक्त खानेकुरा खाँदा रक्तचाप कम गर्न मद्दत गर्छ ।

स्वस्थ आँखा : पालुंगो ल्युटिनको उत्कृष्ट स्रोत हो, जुन म्याकुलर डिजेनेरेशन र मोतियाविन्दु जस्ता आँखाको रोगहरूबाट बचाउनका लागि चिनिन्छ ।

स्वस्थ हड्डी : भिटामिन के हड्डीको स्वास्थ्य र विकासका लागि आवश्यक छ र यो पालुंगोमा प्रचुर मात्रामा पाइन्छ । केवल १ कप पालुंगो खानाले हामीलाई दैनिक सिफारिस गरिएको भिटामिन के को मात्रा दिन्छ ।

स्वस्थ छाला : मानव शरीरको सबैभन्दा ठूलो अंग (छालासहित टिस्यु) बढ्नका लागि पालुंगोमा पाइने भिटामिन ए प्रयोग हुन्छ । भिटामिन ए ले छालाको प्रतिरक्षा प्रणालीलाई मात्र बलियो बनाउँदैन, यसले छालालाई हाइड्रेटेड रहन मद्दत गर्दछ, जसले फाइन लाइनहरूलाई कम गर्न सक्छ ।

फलामको धनी : पालुंगो फलामको उत्कृष्ट स्रोत हो, जसले मानव शरीरलाई हेमोग्लोबिन उत्पादन गर्न मद्दत गर्छ । हेमोग्लोबिनले फोक्सोबाट शरीरको बाँकी भागमा अक्सिजन ढुवानी गर्न मद्दत गर्छ ।

१ कप पालुंगोमा पोषक तत्वहरू
क्यालोरि : ७
कार्बोहाइड्रेट : १ ग्राम
बोसो : ० ग्राम