यसकारण चर्चामा छन् विक्की कौशल

काठमाडौं । बलिउड अभिनेता विक्की कौशल यतिबेला ‘ब्याड न्युज’का कारण चर्चामा छन् । फिल्मको ट्रेलरलाई दर्शकहरू निकै रुचाएका छन् । फिल्मभित्र रहेको ‘तौबा तौबा’ गीतमा उनको डान्स मूभले पनि निकै चर्चा पाएको थियो ।

यो गीत सामाजिक सञ्जालमा भाइरल भएको थियो । फिल्मलाई क्रिटिक्सहरूले राम्रो रेटिङ दिएका छन् । दर्शकहरूले पनि फिल्मलाई माया गरिरहेका छन् । ‘ब्याड न्युज’ले विक्कीका लागि गुड न्युज साबित भएको छ ।

१९ जुलाईमा रिलिज भएको यो फिल्मले पहिलो दिनमै ८ करोड ६२ लाख भारु कमाएको छ । यो अभिनेताका फिल्ममध्ये पहिलो दिनमा सबैभन्दा धेरै कमाउने फिल्म बनेको छ । पहिलो सप्ताहन्तमा फिल्मले ३० देखि ४० करोडको कमाई गर्न सक्ने अपेक्षा गरिएको छ ।